Eleka Ingeniaritza Linguistikoa S.L. enpresak hizkuntza teknologietan oinarritutako produktu eta zerbitzu eleanitzak garatu eta gizarteratzen ditu.

Elekak ItzulpenFlow izeneko zerbitzua jarri du martxan.

Eleka Ingeniaritza Linguistikoa enpresak ItzulpenFlow  (www.itzulpenflow.com) aplikazioa garatu du. Aplikazio hau itzulpen-zerbitzuei, itzulpengintzako mikroenpresei eta freelancei zuzenduta dago bereziki.

ItuzlpenFlow itzulpen-prozesuko lan-fluxu osoa kudeatzen duen aplikazioa da. Mikroenpresa eta freelance-ei zuzenduta dago bereziki, nahiz eta enpresa txiki eta ertainek ere erabil dezaketen. ItzulpenFlow tresnaren bidez, lan-eskaera jasotzen denetik emaitza bidaltzen denera arteko ataza guztiak kudeatu ahal izango ditu erabiltzaileak, eta gainbegiratu batekin itzulpen-prozesu osoa zein egoeratan dagoen ikusi ahal izango du: bezeroen zerrenda, aurrekontuak sortzea, epeak, hitz kopuruak..., alegia, lan-fluxuaren egoera osoa.

ItzulpenFlow web zerbitzua da. Beraz, web nabigatzailea nahikoa da guztia kudeatu ahal izateko, norberaren ordenagailuan ezer instalatu beharrik gabe.